Цаг үеийн мэдээ
SECIM төслийн удирдагч, ажилтнуудыг хүлээн авч уулзлаа
Нийслэлийн Хөдөлмөр эрхлэлтийн газрын дарга болон холбогдох хэлтсийн дарга, мэргэжилтнүүд 2017 оны 02 дугаар сарын 24-ны өдөр “Монгол Улсад ажлын байрыг нэмэгдүүлэх, хөдөлмөр эрхлэлтийн бодлогод дэмжлэг үзүүлэх нь” төслийн удирдагч Агрита Гроза, мэргэжилтэн Гриета Тентере, төслийн ажилтан Ч.Долгорсүрэн нарыг хүлээн авч уулзлаа.
Уг төсөл нь Европын холбооны санхүүжилтээр SECiM-Support to Employment Policy for promoting job creation in Mongolia буюу “Монгол Улсад ажлын байрыг нэмэгдүүлэх хөтөлбөр”-ийн хүрээнд Монгол Улсад 2017-2020 онд хэрэгжих юм байна.
Уулзалтын үеэр “SECiM – Монгол Улсад ажлын байрыг нэмэгдүүлэх хөтөлбөр”-ийн хүрээнд 2017-2020 онд хэрэгжих 5 бүрэлдэхүүн хэсэг, 2017 онд хэрэгжүүлэх төлөвлөгөөтэй нь танилцсан ба нийслэлийн хэмжээнд хэрэгжүүлэх “Нэг өрхөд нэг ажлын байр” хөтөлбөрийн төслийг танилцуулж, хамтран ажиллах боломж, нөхцөл болон туршлага судлах арга замын талаар ярилцлаа.