ХӨДӨЛМӨР ЭРХЛЭЛТИЙН ТАНХИМЫН СУРГАЛТ ЗОХИОН БАЙГУУЛАХ БАЙГУУЛЛАГЫН ХҮСЭЛТ ХҮЛЭЭН АВАХ ЗАР

Хөдөлмөр эрхлэлтийн танхимын сургалт зохион байгуулах эрх бүхий байгууллагуудын /Мэргэжлийн боловсрол, сургалтын байгууллага, мэргэжлийн сургалтын байгууллага/ сонгон шалгаруулж, гэрээ байгуулж ажиллана.

Иймд дараах тавигдах шаардлагын дагуу холбогдох баримт бичгийг бүрдүүлэн 2022 оны 05 дугаар сарын 16-ны дотор ирүүлнэ үү.

Тавигдах шаардлага

• Холбогдох журмын дагуу бүртгүүлсэн, сургалт зохион байгуулах гэрчилгээтэй, мэргэжлийн сургалт зохион байгуулах эрх бүхий байгууллага байх;
• Сургалтын хөтөлбөр нь мэргэжлийн боловсрол, сургалтын стандартад нийцсэн, ажил олгогчийн эрэлт, хэрэгцээг хангахуйц байх;
• Насанд хүрэгчдийн сургалт заах арга зүй, ур чадвар үндсэн багштай байх;
• “MNS 6541:2015, Мэргэжлийн боловсрол, сургалт. Ерөнхий шаардлага” стандартыг хангасан онолын болон дадлагын байр, анги танхимтай байх;
• Сургалтын хөтөлбөрийн агуулга нь онол, дадлага буюу лабораторийн ажил, дадлагын хэсгүүдээс бүрдэх бөгөөд онолын сургалт нь нийт сургалтын 30 хувиас ихгүй байх

Бүрдүүлэх материал

• Нийслэлийн Хөдөлмөр эрхлэлтийн газарт хандсан албан бичиг
• Байгууллагын улсын бүртгэлийн гэрчилгээний хуулбар /нотариатаар баталгаажуулсан байх, 2022 оны эхний 3 сарын хугацаанд/
• Мэргэжлийн сургалтын байгууллагын бүртгэлийн гэрчилгээний эх хувь, мөн хуулбарыг нотариатаар баталгаажуулсан хувь, 2022 оны эхний 3 сарын хугацаанд /сургалтын төрлүүдээр эрхтэй, хүчинтэй хугацаатай байх/
• Мэргэжлийн сургалт зохион байгуулах чадамжид суурилсан сургалтын хөтөлбөрийг мэргэжлийн байгууллагаар /Мэргэжлийн боловсрол сургалтын үнэлгээ, мэдээлэл арга зүйн төв/- өөр гаргуулсан дүгнэлтийн хуулбар
• Няравын сургалтад Монголын мэргэшсэн нягтлан бодогчдын институтээс гаргуулсан мэргэжлийн дүгнэлтийн хуулбар
• 2022 оны сургалт зохион байгуулах ажлын төлөвлөгөө
• Сургалтын байрны түрээсийн гэрээний нотариатаар батлуулсан хувь /хүчинтэй хугацаатай байх, гэрээний урьдчилгаа төлбөр төлсөн банкны баримтын эх хувь/, өөрийн эзэмшлийн байртай бол үл хөдлөх хөрөнгийн гэрчилгээний хуулбар /гэрчилгээний хуулбарыг нотариатаар баталгаажуулсан байх, 2022 оны эхний 3 сарын хугацаанд/
• Багшийн анкет, тухайн сургалтын чиглэлээр мэргэжлийн үнэмлэх, диплом, сургагч багшийн эрхийн гэрчилгээний хуулбар /боловсролын бичиг баримтыг нотариатаар баталгаажуулсан байх, 2022 оны эхний 3 сарын хугацаанд/

Жич: /1 багш 2-оос дээш байгууллагад гэрээгээр багшлахгүй