“ХӨДӨЛМӨР НЭМЬЕ” өдөрлөг яармаг

МЗХ-ны дэргэдэх Залуучуудын Хөдөлмөрийн Төв биржтэй  хамтарсан “Хөдөлмөр Нэмье” хөдөлмөрийн яармаг 2017 оны 11-р сарын 23-ны өдөр 12:00 цагаас МЗХ-ны Залуус танхимд зохион байгуулагдлаа.

Тус хөдөлмөрийн яармагт “Номин Холдинг”, “Вагнер Ази”, “Таван Богд”, Дүүргүүдийн Хөдөлмөрийн хэлтсүүд, MMCG, Y & R Mongolia, Corporate Hotel, Blue Sky зэрэг байгууллагууд оролцож залуусыг цагийн болон байнгын ажилд зуучилсан.

Уг өдөрлөг яармагаар цагийн ажил хайж буй оюутан залуусыг бүртгэх, ажлын байранд зуучлах үйлчилгээ үзүүлж 30 гаруй цагийн ажил олгогч байгууллагын  80 ажлын байрны захиалгын дагуу  нийтдээ 200 ажил хайгч оюутан залуусыг бүртгэж, 147 ажил хайгч иргэнийг ажлын байранд зуучлан ажил мэргэжлийн зөвлөгөө өгч, өдөрлөг яармагт оролцогч бусад байгууллагуудаас сул чөлөөтэй байгаа 15 ажлын байрны захиалгыг х үлээн авч бүртгэсэн.