Сүүлд нэмэгдсэн

    Барьсан тавьснаа хэрхэн мартахгүй байх вэ?


    Барьсан тавьснаа хэрхэн мартахгүй байх вэ?

     

    Алга болгосон, хаана тавьснаа санахгүй байгаа зүйлээ хайж буй хугацааг тооцвол дахин нэг хүний амьдрал үүснэ. Гар утсаа олохгүй байгаа тохиолдолд хэн нэгнийг утас руу тань залгахыг хүсэж, утсаа олж чадна. Харин чухал нэвтрүүлэг эхлэхийн өмнө зурагтныхаа удирдлагыг  хайгаад олохгүй бол та яах вэ? Удирдлагаа хайсаар байгаад таны нэвтрүүлэг дуусчихвал харамсалтай л юм. Энэ мэтчилэн бид амьдралдаа багагүй хугацааг ямар нэг зүйл хайхад өнгөрүүлдэг билээ. Ингээд танд энэ бүхнийг өөрчлөх аргуудаас хүргэе.

    Барьсан тавьснаа хэрхэн мартахгүй байх вэ?

    1.Ямар нэг зүйл үлдээсэн газраа тархиндаа кодло

    Энэ бол зүгээр сэтгэл зүйн ойлголт бөгөөд жишээлбэл: Хэрвээ та машиныхаа түлхүүрийг гал  тогооны өрөөнийхөө ширээн дээр тавьсан бол “Би түлхүүрээ гал тогооны өрөөний ширээн дээр тавьсан” гэж өөртөө хэлэх хэрэгтэй. Хэдий чинээ олон давтаж тогтооно төдий чинээ дараа нь олоход хялбар байх болно. Өөрөөр хэлбэл, түлхүүр гэрт байгаа гэдэг нь хангалттай мэдээлэл биш бөгөөд,  харин яг хаана байгаа гэдгээ тогтоох нь зүйтэй.

    2. Дуу ашигла

    Үүнийг шууд шашин шүтлэгтэй холбож үзэх хэрэггүй. Харин урд өмнө нь сонссон дуугаараа тогтоож болно. Жишээлбэл: Тухайн дууныхаа аянд оруулаад “Түлхүүр данхны хажууд байна” гэж аярхан дуулах боломжтой. Энэ нь тархинд тухайн мэдээлэл илүү хадгалахд тустай юм.

    3. Ямар нэгэн зүйл үлдээхдээ анхааралтай бай

    Энэ бол мэдээллийг тархиндаа кодло гэсэн үгний гол түлхүүр бөгөөд ямар нэг зүйл үлдээж байхдаа сайн гэгч нь анхааралтай хар. Хэрвээ хаана юмаа тавьснаа санахгүй байвал яг тухайн үлдээж байх мөчдөө анхааралтай байх хэрэгтэй. Яг энэ үед өөр зүйл бодохгүйгээр зөвхөн тухайн хийж буй үйлдэлдээ л анхаарал хандуулах хэрэгтэй гэсэн үг юм.

    4. Олон туршилтаар өөрийгөө зовоох хэрэггүй

    2017 онд эрдэмтэд оюун ухаан хөгжүүлэх, ой тогтоолт сайжруулах арга барил хэр үр дүнтэй болохыг судалсан судалгаа хийжээ. Харамсалтай нь судалгаанаас харахад энэхүү арга барил нь ой тогтоолтонд нөлөөлдөггүй болох нь батлагдсан байна. Тиймээс хэрвээ та үргэлж ямар нэг зүйлээ алга болгодог бол төрөл бүрийн арга барил ашиглахын оронд өөртөө итгэж илүү анхааралтай байгаарай.               

    5. Ямар нэгэн зүйлээ хадгалах тусгай хэсэгтэй бол

    Сэтгэл судлаач,  Стевер Роббинсаны 2017 онд хийсэн судалгаанаас харахад ямарваа нэгэн зүйлийг алдахгүйн тулд аливаа зүйлийг хадгалахдаа тодорхой нэг хэсэг гаргах хэрэгтэй гэжээ. Үүнд утасны тавиур, номын тавиур, түлхүүр хадгалах тавиур гэх мэт зүйлс багтана. Ингээд та хэрвээ энэ төрлийн тавиуртай болчихвол өөрийн үргэлж хэрэглэдэг зүйлээ нэг газарт тавьснаар дахин хайх хэрэггүй болно.

    6. Сэтгэл хөдлөлөө ашигла

    Судалгаанаас харахад хүмүүс үнэр, чимээ, зураг гэх мэт зүйлсийг харахад тодорхой хэмжээний сэтгэл хөдлөл илэрдэг гэжээ.  Гэхдээ энэ аргыг өдөр тутамд ашиглах шаардлагагүй ч удаан хугацааны турш ямар нэг зүйлийг хадгалах гэж байгаа тохиолдолд ашиглаж болно. Жишээлбэл: Нэг бичиг баримтыг номын тавиур дээр хадгаллаа гэж бодоход хажууд нь байгаа номыг ажиглаж, энэ ном танд ямар сэтгэл хөдлөлийг авчирсан талаар бодоорой. Мөн хайрцганд хадгалсан зүйлээ хөгжилтэй зугаалгын үеэр авчирсан бэлэг дурсгалын зүйлийн хажууд тавьж болно.

    7. Өмнөх алга болгосон түүхээ сана

    Хэрвээ дээрх аргуудыг хэрэгжүүлж чадаагүй бол хамгийн сүүлд ямар нэг зүйл алга болгосон түүхээ санаарай. Энэ нь таны үлдээсэн газар, байршил гээд бүхий л зүйл хамааралтай юм. Ийнхүү та өмнөх сэтгэл хөдлөлөө санаж, логик сэтгэлгээгээр алга болгосон зүйлээ олох магадлалтай.

    Эх сурвалж: Саак.mn

    Гадаад Улсад суралцах хүсэлтэй оюутан залууст зөвлөгөө, мэдээлэл өгөх зорилгоор 2018-2019 оны хичээлийн жилд зарлагдсан Засгийн газрын болон их, дээд сургуулийн нэрэмжит тэтгэлэгт хөтөлбөрүүдээс хүргэж байна.


    Гадаад Улсад суралцах хүсэлтэй оюутан залууст зөвлөгөө, мэдээлэл өгөх зорилгоор 2018-2019 оны хичээлийн жилд зарлагдсан Засгийн газрын болон их, дээд сургуулийн нэрэмжит тэтгэлэгт хөтөлбөрүүдээс хүргэж байна.

    ЯПОН УЛСЫН ЗАСГИЙН ГАЗРЫН ТЭТГЭЛЭГТ ХӨТӨЛБӨР

     

    2018 оны санхүүгийн жилд хэрэгжих япон хэл, япон соёлын чиглэлээр суралцаж буй оюутнуудад зориулсан Япон улсын Засгийн газар (Япон улсын Боловсрол, шинжлэх ухааны яам)-ын тэтгэлэгт хөтөлбөр зарлагдлаа.

    Япон улсын Боловсрол, шинжлэх ухааны яам нь 2018 оны санхүүгийн жилийн Япон улсын Засгийн газрын тэтгэлэгт хөтөлбөрийн хүрээнд Япон улсын их дээд сургуульд япон хэлний мэдлэг, Япон орон болон Японы соёлын талаарх мэдлэгээ дээшлүүлэх зорилгоор суралцахын тулд шалгалт өгөх хүсэлтэй монгол оюутнуудыг доорхийн дагуу бүртгэж байна.

    Япон Улсын Засгийн газрын тэтгэлэгт хөтөлбөрийн дэлгэрэнгүй мэдээллийг ЭНД дарж авна уу.

    УНГАР УЛСЫН ЗАСГИЙН ГАЗРЫН ТЭТГЭЛЭГТ ХӨТӨЛБӨР

     

    Унгар Улсын Засгийн газрын тэтгэлгээр 2018/2019 оны хичээлийн жилд дахин 200 хүртэлх Монгол иргэнийг суралцуулах сонгон шалгаруулалт зарлагдлаа.

    Сонгон шалгаруулалт 2 үе шаттай зохион байгуулагдах бөгөөд Боловсрол, соёл, шинжлэх ухаан, спортын яам, Унгарын хүлээн авч суралцуулах сургууль тус тус зохион байгуулна. Шалгаруулалтад тэнцсэн иргэдийн нэрсийн жагсаалтыг Унгарын Тэтгэлгийн хороо хүлээн авч, эцсийн шийдвэрийг гаргана.

    Сонгон шалгаруулалтын үйл ажиллагаанд дээр дурдсан байгууллагаас өөр хоёр улсын төрийн, төрийн бус, аж ахуйн нэгж, зуучлалын байгууллага оролцохгүй болохыг анхаарна уу.

    Тэтгэлгийн талаарх дэлгэрэнгүй мэдээллийг (www.stipendiumhungaricum.hu) холбоосоор үзэж танилцана уу.

    АНУ-ЫН ФУЛБРАЙТЫН ТЭТГЭЛЭГТ ХӨТӨЛБӨР

     

    АНУ-ын Төрийн департаментаас санхүүжүүлдэг магистрын зэрэг олгох бүрэн тэтгэлэгт Фулбрайтын хөтөлбөр зарлагджээ.

    Улаанбаатар дахь АНУ-ын Элчин сайдын яам Фулбрайтын 2019-2021 тэтгэлэгт хөтөлбөрийн материалыг гуравдугаар сарын 26-ны 12.00 цаг хүртэл хүлээн авах юм.

    Энэ тэтгэлэгт хөтөлбөр нь жил бүр 155 орны 4000 гаруй оюутанд магистрын бүрэн тэтгэлэг олгодог бөгөөд 20 гаруй мэргэжлээр суралцах боломжтой.

    Тэтгэлэгт хүсэлт гаргагч нь Монгол Улсын иргэн байх бөгөөд бакалаврын зэрэгтэй багадаа 1.5 жил ажилласан туршлагатай, TOEFL, IELTS-ийн оноотой байх ёстой.

    Хөтөлбөрийн талаарх дэлгэрэнгүй мэдээллийг та ЭНД дарж авна уу.  

    ШИНЭ ЗЕЛАНДЫН ЗАСГИЙН ГАЗРЫН ТЭТГЭЛЭГТ ХӨТӨЛБӨР

     

    Тус улсын Засгийн газрын Монгол оюутнуудад зориулсан тэтгэлэгт хөтөлбөр зарлагджээ.

    Өргөдөл хүлээн авах хугацаа нь 2018 оны хоёрдугаар сарын 15-наас гуравдугаар сарын 28 хүртэл үргэлжилнэ.

    Тэтгэлэгт тавигдах шаардлага болон бусад дэлгэрэнгүй мэдээллийг ЭНД дарж үзнэ үү.

    АВСТРАЛИЙН ТЭТГЭЛЭГТ ХӨТӨЛБӨР /AUSTRALIA AWARDS/

     

    Австралийн тэтгэлэг  нь Австралийн Засгийн газраас санхүүжүүлж, даян дэлхийн манлайлагчдын хойч үеийнхэнд суралцах, судалгаа хийх болон мэргэжил дээшлүүлэх боломж олгодог олон улсад нэр хүндтэй урт, богино хугацааны сургалтын тэтгэлэг юм.

    Австралийн сургалтын тэтгэлгийг 2019 оноос суралцаж эхлэх хүмүүст зориулж 2018 онд зарлана.

    Өргөдөл гаргах хугацаа 2017 оны 2-р сарын 1-нд эхэлж, 4-р сарын 30-нд дуусна. Өргөдлийг шаардлагатай баримт бичгийн хамт цахим хэлбэрээр ирүүлнэ.

    2018 оны өргөдлийн болзол шалгуурт зарим өөрчлөлт орсон байна.

    Тухайлбал, хөгжлийн бэрхшээлтэй гэдгээ мэдүүлж, нотолсон өргөдөл гаргагчдад тавих болзол шалгуурт оржээ. Мөн 2018 онд, Австралийн сургалтын тэтгэлгийг зөвхөн судалгааны болон танхимын магистрт олгоно. Докторын зэргийн сургалтад тэтгэлэг олгохгүй.

    Болзол шалгуурууд

    • Хөгжлийн бэрхшээлээ мэдүүлж нотолсон өргөдөл гаргагчид Academic IELTS-ийн голч оноо 5.0-аас доошгүй, Унших, Бичих оноо 5.0-аас доошгүй дүнтэй гэрчилгээ ирүүлнэ.
    • Хөгжлийн бэрхшээлтэй гэдгээ мэдүүлж, нотолсон өргөдөл гаргагчийн Сонсох, Ярих чадварын оноо 5.0-аас доош бол, болзол хангасанд тооцно.

    Жич: интернэтэд суурилсан болон цаасан хэлбэрээр өгдөг Official TOEFL-ийн дүйцэх оноог хүлээн зөвшөөрнө.

    • Бусад өргөдөл гаргагчдад тавих ажлын туршлагын шалгуур 2017 оныхтой адил хэвээр үлдэнэ.

    Австралийн тэтгэлэгт хөтөлбөрийн талаар дэлгэрэнгүй мэдээллийг ЭНД дарж авна уу.

    КАНАДЫН БҮРЭН ТЭТГЭЛЭГТ ХӨТӨЛБӨР

     

    Канадын Албертагийн Их сургуулийн 2018 оны бүрэн тэтгэлэгт хөтөлбөр. Тус сургууль нь намар, өвлийн магистр, докторын хөтөлбөр хэрэгжүүлдэг.

    Зөвхөн гадаад оюутнуудад нээлттэй тэтгэлэг бөгөөд нэг жилийн магистр, докторын хөтөлбөрийг судалж дуусгасан суралцагчийг хамруулах зорилготой. Тодруулбал 9-р сарын 1-нээс 5-р сарын нэгэн хүртэлх хугацаанд магистр, докторын хөтөлбөрт хамрагдсан байх ёстой аж.

    Тэтгэлэгт хамрагдах материалыг 2018 оны 5-р сар хүртэл хүлээн авна. Суралцахыг хүсэгч нь Killam болон Andrew Stewart Awards -н өргөдлийн загварыг бүрэн бөглөж өөрийгөө танилцуулах ёстой аж.

    Канадын тэтгэлэгт хөтөлбөрийн талаар дэлгэрэнгүй мэдээллийг ЭНД дарж авна уу.

    Энэ сургууль нь Алберта мужийн анхны Ерөнхий сайд байсан Alexander Cameron Rutherford болон тус мужийн анхны Ерөнхийлөгч Henry Marshall Tory нарын үүсгэн байгуулсан сургууль гэдгээрээ онцлогтой. “Post-secondary”-ийн хууль эрх зүйн орчныг дэмжиж, эрх олгодог юм. 

    Эх сурвалж: Ikon.mn 

    Өнөөдрийн ажил мэргэжлүүдийн тал нь 15 жилийн дотор хэрэгцээгүй болохыг Хятадын мэргэжилтэн анхааруулжээ


    Өнөөдрийн ажил мэргэжлүүдийн тал нь 15 жилийн дотор хэрэгцээгүй болохыг Хятадын мэргэжилтэн анхааруулжээ

     

     

    Хятадын хиймэл оюуны салбарын тэргүүлэх мэргэжилтэн өнөөдрийн бүх ажил мэргэжлүүдийн тал орчим хувь ирэх 15 жилийн дотор хэрэгцээгүй болохыг анхааруулжээ.

    Технологийн салбарын хөрөнгө оруулагч, зохиолч, хиймэл оюуны салбарт 30 гаруй жил ажилласан туршлагатай Кай Фу Ли өнөөдөр хүн төрөлхтөн “аж үйлдвэржилтийн хувьсгалын үед газар тариаланчдад нүүрлэсэн хямрал”-тай адил зүйлтэй тулгараад байгааг ярьсан байна.

    Лигийн оролцсон “60 minutes” ярилцлагын шоу ирэх Ням гарагт CBS сувгаар цацагдах юм. Ярилцлагынхаа үеэр тэр залуу үеийнхнийг энэхүү шинэ орчин нөхцөлд дасан зохицуулахын тулд боловсрол чухал болоод байгааг онцолжээ.

    Kai-Fu Lee@kaifulee

    I will be on CBS @60minutess this Sunday (January 13). https://www.cbsnews.com/news/venture-capitalist-kai-fu-lee-ai-will-displace-40-percent-of-worlds-jobs-in-as-soon-as-15-years-60-minutes/ …

    44

    6:57 AM - Jan 10, 2019

    Twitter Ads info and privacy

    Venture capitalist: AI will displace 40 percent of world's jobs in as soon as 15 years

    Kai Fu Lee, a pioneer in artificial intelligence and venture capitalist based in China, tells 60 Minutes it won't just be blue collar jobs that are displaced by AI. See the full story, Sunday at 7...

    cbsnews.com

     

    Хиймэл оюуны салбар бол ирээдүйтэй ч бүх зүйлийг хийж чадахгүй гэдгийг Ли бас хэлсэн байна. Тухайлбал хүн хүндээ санаа тавьдаг мэргэжлүүд болох эмч, сувилагч, багш зэрэгээс гадна шинийг сэтгэх, бүтээх чиглэлийн ажлын байрнууд хиймэл оюунт машинуудад эзлэгдэхгүй гэнэ.

    Харин телемаркетинг, борлуулалт, хэрэглэгчийн үйлчилгээ, агуулахын ажил, касс, төлбөр тооцоо, түргэн хоолны газрууд, аяга таваг угаагчийн ажлын байрнууд нэн түрүүнд роботоор солигдоно.

    “Хиймэл оюун нь зөвхөн биеийн хүчний ажлуудыг биш, бас нэг хэвийн давтамжтай хийгддэг цагаан захтнуудын ажлыг ч булаах болно” гэж Ли ярьжээ.

    Тэр цааш нь хэлэхдээ “Ойрын 15-25 жилийн дотор автомашин жолоодох ажил хамгийн ихээр хүний ажил мэргэжлийн жагсаалтаас гарна” гэж хэлсэн байна.

     

    Эх сурвалж: Ikon.mn

    Ажилд орох ярилцлаганд бэлдэхдээ анхаарах зүйлс


    Аливаа албан тушаалд ажилтан шалгаруулан авах гэж байгаа байгууллага зарлалын дагуу хандсан хүмүүсээс шигшиж , 20 – 30 % - ийг нь ярилцлаганд урьдаг. Ярилцлага 30 – 60 минут орчим үргэлжлэх ба энэ хугацаанд ажил олгогч таныг аль болох таньж мэдэхийг зорино.

    Та мэргэжилдээ хэдий сайн, мэдлэгтэй чадвартай ч, хэдий эерэг сайн хүн байвч энэ бүх сайн талаа ажил олгогчид ойлгуулах, итгүүлэх чадвартай байхгүй бол хүссэн ажилдаа ороход хэцүү байх болно.

    Миний нэг танил ажлаа солихыг хүсээд өөрийнхөө анкет танилцуулгыг интернетээр хэд хэдэн компани руу явуулаад сууж байсан юм. Ажил мэргэжилдээ мундаг хүн болохоор түүнд өөр ажил олдохгүйн зовлон байхгүй мэт. Дараа нь, хэдэн сарын дараа түүнтэй уулзаад яагаад одоо болтол эндээ ажилласаар байна вэ гэж асуусан чинь: “Уул нь бараг л бүх газраас надад эерэг хариу ирсэн, ярилцлаганд орохыг урьсан л даа. Харин би ярилцлаганд орохыг хүсэхгүй байна, мэдэхгүй, юу ч гэж асуудаг юм, би юу ч хариулах юм билээ, ямар ярилцлаганд орж үзсэн биш, одоо л ярилцлага гэдэг болж...”, - гэж хариулсан юм.

    Ярилцлаганаас айх юм байхгүй, хэдэн асуултанд л бэлдчих хэрэгтэй.

    1.Таны хувь хүний чиглэлийг тодотгох асуултууд

    -Таны боловсрол, мэргэжил?

    -Энэ мэргэжлийг яагаад сонгосон бэ? Юугаараа таныг татсан бэ?

    -Хуучин ажлаасаа яагаад гарсан бэ?

    Энэ асуултуудын хариултаас ажил олгогч таны тухай хамгийн ерөнхий мэдээллийг олж аван тухайн компаний үйл ажиллагааны чиглэлд таныг тохирох эсэхийг мэдэх болно. Тэгэхээр та энэ салбарт каръер хийх нэн сонирхолтой байгаа гэдгээ, мөн өөр, энэ чиглэлийн компаниудаар ч очих гэж байгаа гэдгээ хэлэх хэрэгтэй: та өөрөө ч сонголт хийж байгаа гэдэг нь харагдана.

    2.Таны урмыг тэтгэх хүч болон хүслийг тодорхойлох асуултууд

    -Таны амьдралын зорилгууд?

    -Зорилгууддаа ямар замаар хүрэх гэж байна?

    -Та өөрийгөө 10 жилийн дараа хэрхэн харж байна?

    -Та хүрсэн зорилгоосоо жишээ ярина уу, хэрэгжүүлсэн арга зам нь?

    -Та өөрийгөө энэ албан тушаалд тэнцэнэ гэж бодож байгаагийн учир нь?

    -Та ямар цалин авахыг хүсч байна вэ?

    Эдгээр асуултын хариултаас та тухайн компанид хэр их хүч чадлаа дайчлан ажиллах гэж байгаа нь харагдана. Цалингийн хувьд битгий өөрийгөө доош нь хийгээрэй, тооцоолж байгаагаасаа 1.5 дахин их тоо хэлэхэд буруутахгүй.

    3.Таны хувь хүний чанарыг тодорхойлох асуултууд

    -Та өөрийгөө таван тэмдэг нэрээр тодорхойлно уу?

    -Таны гурван сайн чанар?

    -Таны гурван муу чанар?

    -Таны гурван амжилт?

    -Таны гурван ялагдал?

    -Та хэрхэн амжилтанд хүрдэг вэ?

    -Та өнгөрсөн явдлаасаа юуг өөрчилмөөр байдаг вэ?

    Энэ асуултуудын хариулт нь та өөрийгөө хэрхэн дүгнэдэг, өөрийгөө хэр ойлгож чаддаг, өөртөө шүүмжлэлтэй ханддаг эсэх, алдаагаа засч чаддаг эсэхийг ажил олгогчид харуулна.

    4.Бүтээлч сэтгэлгээг тодорхойлох асуултууд

    -Асуудлыг хэд хэдэн замаар шийдэх жишээ ярина уу?

    -Ямар нэгэн асуудлыг жишээ болгон авч шийдэх арга замыг нь алхам алхмаар нь ярина уу?

    -Хэн нэгнийг хэрхэн сэнхрүүлж байсан жишээ ярина уу?

    -Зөрчилдөөнтэй байдлын жишээ аваад зөрчилдөөнөөс гарах арга замыг зурна уу?

    Аливаа байгууллагын хамгийн үнэ цэнэтэй ажилтнууд бол бүтээлч сэтгэлгээ бүхий ажилтнууд байдаг. Тиймээс тухайн компанийг урьдчилан судалж үр ашгийг нь сайжруулах арга замыг хэрхэн харж байгаагаа ярьвал их сайн. Гэхдээ бүх ноу –хаугаа дэлгэх хэрэггүй, ерөнхийд нь яриарай.

    5.Манлайлагч байх чадвартай эсэхийг тодотгох асуултууд

    -Та өөрийнхөө амьдралын зохиогч нь уу, найруулагч нь уу?

    -Та удирдах дуртай юу, удирдуулж ажиллах нь танд таалагддаг уу?

    -Та багаар ажиллах дуртай юу, ганцаараа ажиллахыг таалдаг уу?

    Энэ асуултанд хариулахдаа багаар болон хэн нэгний удирдлаган доор ажиллахдаа үр дүн сайтай ажилладаг, гэхдээ шаардлага гарвал санаачилга болон хяналтыг гартаа авч ажилладаг гэвэл та үнэлэгдэх болно.

    6.Эрүүл мэндийг тодорхойлох асуултууд

    -Танд ямар нэгэн архаг хууч өвчин байгаа юу?

    -Та одоо эмнэлгийн хяналтанд байгаа юу?

    -Та сүүлийн 6 сард эмнэлэгт хэвтэж эмчлүүлсэн үү?

    -Та сардаа хэр их архи уудаг вэ? Жилд?

    Ажил олгогч нар бие муутай хүнийг ажилд авах дургүй байдаг, тэр нь ч аргагүй. Эрүүл мэндийн асуудлаа шийдчихээд ажлын асуудлаа шийдэх нь дээр гэж хэлэх нь цөөнгүй. Тэгэхээр, хэрэв та үе үе өвддөг бол “эрүүл мэндийн тал дээр асуудал гарч байсан, одоо бол зүгээр болсон” гэж хариулахад болно.

    7.Та тухайн байгууллагыг хэр сонирхож байгаа, хэр үнэнч ажиллахыг тодруулах асуултууд

    -Та манай компани, байгууллагын тухай юу мэдэх вэ?

    -Өөр юу мэдэхийг хүсч байна вэ?

    -Байгууллагын гуйлтаар муу зуршлаа орхиж чадах уу?

    -Хэрэв танд илүү ашигтай санал ирвэл та яах вэ?

    Танд энэ байгууллага, компани үнэхээрийн сонирхолтой байгаа, энэ ажлыг та хийхийг туйлын хүсч байгаа гэдгээ харуул. Компаний үйл ажиллагааг урьдчилж судалсан бай. Аливаа ажил олгогч байгууллагыг нь хүмүүс мэдэж байвал дуртай байдаг.

    Мөн таныг ажиллаж байсан компанийхаа тухай ярихыг, таны ажиллаж байсан хэсэг юуг нь хариуцдаг байсан, тэр байгууллагын хөгжилд та ямар байдлаар хувь нэмрээ оруулсан бэ гэж асууж магадгүй тул бэлтгэлтэй байх хэрэгтэй.

    Ерөнхий зөвөлгөө

    Ярилцлаганд хожимдолгүй, 10 – 15 минутын өмнө ирэхийг хичээх хэрэгтэй. Яарч сандран гүйж ирэх хэрэггүй, зүрх чинь улам л цохилно, төлөвлөсөн бэлдсэнээ мартчихна. Тухайн байгууллагын стильд тохирсон байдлаар цэвэрхэн хувцасласан байна. Эртхэн ирээд байгууллагын уур амьсгалыг мэдрэхийг хичээ. Хана, ширээ, ширээн дээрх эд зүйлсийг нь ажигла. Ийнхүү энэ газрын уур амьсгалд шингэхийг хичээ.

    Өөрийгөө аль болох сайн талаас нь харуулах хүсэл, намайг ойлгохгүй байх вий гэх айдас ярилцлаганд орох гэж байгаа хүний сэтгэлийг догдлуулан түгшүүлдэг. Их айж сандраад байгаа бол ийм аргыг хэрэглээд үз: тантай ярилцах гэж байгаа хүнийг гэртээ байгаагаар нь төсөөлөн бод. Таны өмнө шалгалт авч байгаа багш биш, зүгээр л тодорхой албан тушаалд сайн ажилтан олж авахыг л хүсч байгаа хүн байна гэдгийг ухаар. Тэр таны мэргэжлийн түвшин, мэдлэг чадварыг л сонирхож байгаа хүн.

    Өөртөө итгэлтэй байдал үзүүл. Асуултыг дуустал нь сонс, далд утгыг нь барьж авахыг хичээ. Аль болох тодорхой, бөөрөнхийлөлгүй хариул, ярилцагчийн реакцийг анхааралдаа байлга. Өөрийгөө ч хяналтандаа байлга: дуу хоолой, хөдөлгөөн, нүүр царайны хувирал, сууж байгаа байдал г.м.

    Ярилцлагын үеээр өөрийнхөө хувийн проблемоос бүү цухуйлга, хуучин дарга болон ажиллаж байсан газраа бүү муул, бүү шүүмжил. Ярилцаж байгаа хүнтэйгээ маргах, түүнийг буруутгах хэрэггүй. Шашин, улс төрийн сэдвийг бүү хөнд. Ярилцлагын төгсгөлд тэнд ажилд орох сонирхолтой байгаагаа дахин илэрхийл. Өөрийгөө сайн ажилтан гэдгээ шууд хэл. Гэртээ ирээд, талархлаа илэрхийлсэн захиа явуул, надад цаг гаргасанд баярлалаа, ярилцлагаас таашаал авсан гэх зэргээр бичээд ярилцлагын үеээр хэлэхээ мартсан санасан зүйлээ бич.

    Ярилцлагаа дотроо эргүүлэн санаж, алдаа оноогоо дүгнэх их сайн. Хэрэв таныг сонгоогүй бол бүү сэтгэлээр уна, улам эрч хүчтэйгээр эрэлээ үргэлжлүүл.

    Яагаад ажилгүй байсан хүмүүс ажилд ороход хэцүү байдаг вэ? 


    Судалгаагаар 6,769 герман хүнээс зан авирын стандарт тест авахад, тэдний 210 нь 1-4 жилийн хугацаанд ажилгүй байсан ба 251 нь нэг жилээс бага хугацаагаар ажилгүй байсан юм. Энэ нь эрэгтэйчүүд, эмэгтэйчүүд аль аль нь ажлаа алдаснаас 1-2 жилийн дотор зан авир нь таагүй болж байгааг онцолсон аж.

    Сонирхолтой нь эрэгтэйчүүдийн тааламжтай байдал нь ажлаа алдаснаас 1-2 жилийн хугацаанд ажлаа алдаагүй хүмүүстэй харьцуулахад бага зэрэг нэмэгдсэн байна. Гэсэн ч хэсэг хугацааны дараа тааламжтай байдлын түвшин нь буурч эхэлсэн ба ажилтай эрчүүдээс нэлээд доогуур болж ирсэн байна. Харин эмэгтэйчүүдийн хувьд ажилгүй байсан жил тутамдаа тааламжтай байдал нь буурч байжээ. Түүнчлэн ажилгүй өнгөрүүлсэн хоёр болон гурав дахь жилээсээ эмэгтэйчүүдийн нээлттэй байдал хурдацтайгаар /хаагдаж/ өөрчлөгдөж эхэлдэг бол эрэгтэйчүүдийн ажилгүй байсан эхний жилдээ нээлттэй байдал нь хэвийн байдаг агаад ажилгүй байсан жил нэмэгдэх бүр буурч эхэлдэг аж.

    “Судалгааны дүнгээс харахад ажилгүйдэл нь бидний үндсэн зан авирт ихээхэн нөлөөлдөг болохыг олж тогтоосон байна. Энэ нь бидний өмнө бодож байснаас ч илүүтэйгээр сэтгэл зүйд нөлөөлдгийг харуулж байгаа юм” гэж судалгаа явуулсан Christopher J. Boyce хэлжээ. Мөн түүний хэлж буйгаар ажилгүйдлийг бууруулах нь зөвхөн эдийн засагт төдийгүй хувь хүний зав аашийн өсөлтөнд сайн нөлөөтэй гэнэ.

    Эцэст ажилгүй удаан байсан хүмүүс ажилд ороход хэцүү байдаг шалтгаан нь, удаан ажилгүй байснаас тухайн хүний нээлттэй, өөдрөг хандлагад нөлөөлж, энэ нь ажил олгогчдын шалгуурт сөргөөр нөлөөлдөг байна. 

Санал асуулга

Нийслэлийн хөдөлмөр эрхлэлтийн газрын үйл ажиллагааг та хэрхэн үнэлэх вэ?
Сайн
Дунд
Муу
Survey Maker