Connect with us

Цаг үеийн мэдээ

Засгийн газрын гишүүд хотын удирдлагуудтай салбар хоорондын үйл ажиллагааны уялдаа холбоог сайжруулах талаар хэлэлцлээ

Нийтэлсэн

-

Засгийн газрын зарим гишүүн өнөөдөр нийслэлд ажиллаж, салбар хоорондын үйл ажиллагааны уялдаа холбоог сайжруулах чиглэлээр зөвшилцөх уулзалт хийлээ. Уулзалтад УИХ-ын гишүүн Э.Бат-Амгалан, Эрүүл мэндийн сайд Т.Мөнхсайхан, Хөдөлмөр, нийгмийн хамгааллын сайд А.Ариунзаяа, Боловсрол, Шинжлэх ухааны сайд Л.Цэдэвсүрэн, Эрүүл мэндийн дэд сайд Ш.Анхмаа, Хөдөлмөр нийгмийн хамгааллын дэд сайд С.Зулпхар, НИТХ-ын дарга Р.Дагва, Нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан болон нийслэлийн холбогдох албаныхан оролцсон юм.

Уулзалтын эхэнд Нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан нийслэлийн эдийн засгийн өнөөгийн байдал, тулгамдаж буй асуудал, цаашид авч хэрэгжүүлэх арга хэмжээний талаар дэлгэрэнгүй мэдээлэл өгсөн юм. Мөн 2016-2020 онд  боловсрол, эрүүл мэнд, хөдөлмөр хамгааллын чиглэлээр нийслэлд  хэрэгжүүлсэн хөрөнгө оруулалтыг мэдээллэхийн сацуу тулгамдаж буй зарим асуудлыг ч хөндөж байв. Тэрбээр салбарын яамдтай нягт хамтарч ажиллах саналтай байгаагаа дуулгаад, цаашид улс нийслэлийн хөрөнгө оруулалтаар хийгдэх бүтээн байгуулалтын төлөвлөгөөг гаргах хамтарсан ажлын хэсэг ажиллах нь чухал байгааг онцлон хэлэв.

Хөдөлмөр, нийгмийн хамгааллын сайд А.Ариунзаяа хэлэхдээ “ Монгол Улсын хүн амын нийт 24.5 хувь ядууралтай тоон үзүүлэлт гарсан. Энэ нь халамжийн бодлогын тогтолцоог өөрчилж, залууст хөдөлмөрлөх бололцоог нэмэгдүүлэх ёстой гэж харж байна. Боловсролын тогтолцоог хөдөлмөрийн зах зээлтэй нийцүүлэн харилцан уялдаа холбоотой бодлого баримтлахгүй бол Монгол Улсад бүртгэлтэй ажил хайгч залуусын тоо нэмэгдсээр байна. Ядууралтай тэмцэх хамгийн гол арга нь нэгдүгээрт боловсрол. Хоёрдугаарт эрүүл мэнд, гуравдугаарт хөдөлмөр эрхлэлт. Дипломтой ажилгүй хүмүүсээс илүү мэргэжилтэй боловсон хүчин бэлдэхийн тулд МСҮТ-ийн талаарх олон нийтийн ойлголт, хандлагыг өөрчлөх хэрэгтэй байна. Халамжийг хавтгайруулахгүй зорилтот бүлэгт олгох, иргэдийг хөдөлмөр эрхлүүлэх зэрэг олон ажилд хамтын ажиллагаа үнэ цэнэтэй ” хэмээлээ.

Эрүүл мэндийн сайд Т.Мөнхсайхан дүүрэг, хороодын өрхийн эмнэлгүүдийн үйл ажиллагааг сайжруулах чиглэлээр түлхүү анхаарч ажиллах төлөвлөгөөтэй байгаагаа дуулгаад, нийслэлийн удирдлагуудаас эрүүл мэндийн ажилчдын нийгмийн асуудлыг анхаарч өгөхийг хүссэн юм.

Боловсрол, Шинжлэх ухааны сайд Л.Цэдэвсүрэн боловсролын салбарт тулгамдаж буй зарим асуудлын талаар нухацтай авч үзэхийг нийслэлийн холбогдох албаныханд сануулаад цаашид яамны зүгээс харилцан уялдаатай хамтарч ажиллахаа илэрхийлж байв.

Уулзалтын төгсгөлд НИТХ-ын дарга Р.Дагва Засгийн газрын гишүүдийг нийслэлийн удирдлагуудтай уулзаж, иргэдийн ая тухтай амьдралын нөхцөлийг бүрдүүлэхийн төлөө уялдаа холбоогоо сайжруулан ажиллаж буйд талархаж буйгаа хэлсэн юм. Цаашид  бодлогын түвшинд, хөрөнгө оруулалтын чиглэлээр төвлөрч ажиллаж, сахилга  хариуцлага, эдийн засгийн үр өгөөжийг ямагт дээшлүүлэхэд хаана хаанаа анхаарч ажиллахыг уриалсан юм.

Нийслэлийн ЗДТГ-ын Хэвлэл мэдээлэлтэй харилцах хэлтэс

Залуучуудын хөдөлмөр эрхлэлт, гарааны бизнесийг дэмжих хөтөлбөр1 сар өмнө

Нийслэлийн 🚀”СТАРТАП 2022″🚀 арга хэмжээ 06-р сарын 14-нөөс 07-р сарын 03-ны хооронд зохион байгуулагдаж, дүүрэг бүрээс шилдэг 2 баг, нийт 18 баг тус тус 10 сая төгрөгийн санхүүжилтээ гардан авлаа. 👏🎉

Үйл ажиллагааны төлөвлөгөө, тайлан, биелэлт1 сар өмнө

Үйл ажиллагааны тайлан 2022.06.25

Үйл ажиллагааны төлөвлөгөө, тайлан, биелэлт1 сар өмнө

Гүйцэтгэлийн тайлан 2022.06.25

Цаг үеийн мэдээ2 сар өмнө

ЭМЭГТЭЙЧҮҮДИЙН ХӨДӨЛМӨР ЭРХЛЭЛТИЙГ ДЭМЖИХ ХӨТӨЛБӨР

Цаг үеийн мэдээ2 сар өмнө

Нийслэлийн Хөдөлмөр эрхлэлтийн газар ХАБЭА үндсэн зааварчилгаа

Цаг үеийн мэдээ2 сар өмнө

“ОРОЛЦОО” ТӨСЛИЙН НЭГДҮГЭЭР ЭЭЛЖИЙН СУРГАЛТ ЭХЭЛЛЭЭ

Бусад3 сар өмнө

Нийслэлийн 9 дүүргийн хэмжээнд шинэ технологи, инновац шингээсэн гарааны бизнес эрхэлж буй залуучуудыг бүртгэж байна.

Ёс зүйн дүрэм3 сар өмнө

Өргөдөл гомдол шийдвэрлэлтийн тайлан

Видео3 сар өмнө

Хөдөлмөрийн зах зээлийн эрэлт, нийлүүлэлтийн зөрүүг ойртуулж, залуусын хөдөлмөр эрхлэлтийг нэмэгдүүлэх зорилгоор Монгол Улсын Засгийн газраас “ОРОЛЦОО” төслийг хоёр дахь жилдээ зохион байгуулах гэж байна

Цаг үеийн мэдээ3 сар өмнө

ОРОЛЦОО төсөлд хэрхэн бүртгүүлэх вэ

Залуучуудын хөдөлмөр эрхлэлт, гарааны бизнесийг дэмжих хөтөлбөр1 сар өмнө

Нийслэлийн 🚀”СТАРТАП 2022″🚀 арга хэмжээ 06-р сарын 14-нөөс 07-р сарын 03-ны хооронд зохион байгуулагдаж, дүүрэг бүрээс шилдэг 2 баг, нийт 18 баг тус тус 10 сая төгрөгийн санхүүжилтээ гардан авлаа. 👏🎉

Цаг үеийн мэдээ2 сар өмнө

Нийслэлийн Хөдөлмөр эрхлэлтийн газар ХАБЭА үндсэн зааварчилгаа

Цаг үеийн мэдээ5 сар өмнө

Манай салбар “Халамжаас хөдөлмөрт” гэдэг бодлогыг хэрэгжүүлж байгаа

Мэдээ5 сар өмнө

“НИЙГМИЙН ХӨГЖИЛД ЭРЭГТЭЙЧҮҮДИЙН ОРОЛЦОО, МАНЛАЙЛАЛ”

Цаг үеийн мэдээ5 сар өмнө

ХӨГЖЛИЙН БЭРХШЭЭЛТЭЙ ХҮНИЙ ХӨДӨЛМӨР ЭРХЛЭЛТИЙГ ДЭМЖИХ, СУРГАЛТ ХӨГЖЛИЙН ӨДӨРЛӨГТ ТА БҮХНИЙГ УРЬЖ БАЙНА

Цаг үеийн мэдээ5 сар өмнө

Манай улсын нийт ажиллах хүч буюу 1.2 сая нь ажил хөдөлмөр эрхэлж байгаагаас, Үүний 52 хувь нь эрэгтэйчүүд байна

Өдөрлөг, яармаг зохион байгуулах6 сар өмнө

“НИЙГМИЙН ХӨГЖИЛД ЭРЭГТЭЙЧҮҮДИЙН ОРОЛЦОО, МАНЛАЙЛАЛ” ҮНДЭСНИЙ ЧУУЛГАН 03-Р САРЫН 14-НД БОЛНО

Видео6 сар өмнө

Дэлхийн банкны санхүүжилтээр хэрэгжиж буй Хөдөлмөр эрхлэлтийг дэмжих төслийн хүрээнд Хөдөлмөрийн зах зээлийг дэмжих туршилтын хөтөлбөрийг хэрэгжүүлж байна. Хөтөлбөрийн хүрээнд бичил бизнес эрхлэгч, хувиараа хөдөлмөр эрхлэгч иргэдийг дэмжих 5-10 сая төгрөгийн жижиг зээлийг олгож байна.

Видео6 сар өмнө

Засгийн газрын хуралдаанаас гаргасан шийдвэрийг танилцуулж байна

Видео6 сар өмнө

Хөдөлмөр, нийгмийн хамгааллын яамны Төрийн нарийн бичгийн дарга Г.Өнөрбаяр ахмадын тэтгэврийг нэмэгдүүлсэн асуудлаар “Долоо хоног” тоймчийн хөтөлбөрт мэдээлэл өглөө