Connect with us

Цаг үеийн мэдээ

Бүлгийн зохион байгуулалттайгаар хүнсний ногоо тариалж буй иргэд 60 гаруй сая төгрөгийн ургац хураан аваад байна

Нийтэлсэн

-

Нийслэлийн Засаг даргын Нийгмийн асуудал хариуцсан орлогч дарга Д.Энхтөр болон Нийслэлийн хөдөлмөр эрхлэлтийн газрын албаны хүмүүс өнөөдөр “AGRO UB PARK”-д бүлгийн зохион байгуулалттайгаар хүнсний ногоо тариалж буй иргэдийн үйл ажиллагаатай танилцлаа.

 

Нийслэлийн Хөдөлмөр эрхлэлтийн газар нь “Нэг өрх-Нэг ажлын байр” нийслэлийн дэд хөтөлбөр болон Хөдөлмөр эрхлэлтийн Үндэсний зөвлөлөөс батласан “Ажлын байрыг дэмжих хөтөлбөр”-ийн хүрээнд “Бүлгийн зохион байгуулалттайгаар хүнсний ногоо тариалах арга хэмжээ”-г зохион байгуулж, нийслэлийн төвийн 6 дүүргийн 566 өрхийн бүртгэлтэй 566 иргэнийг хамруулсан. Тус арга хэмжээний хүрээнд 18-23 хүнээс бүрдсэн 28 бүлэг ажиллаж байгаа юм.

“Бүлгийн зохион байгуулалттайгаар хүнсний ногоо тариалах арга хэмжээ”-ний хүрээнд хүнсний ногоо тариалах хүсэлтэй, 40-өөс дээш насны ажилгүй иргэдийг бүлгийн зохион байгуулалтанд оруулж, тодорхой төлөвлөгөөний дагуу хүнсний ногоо тариалах арга барилд сурган, чадавхижууллаа. Тодруулбал: “Тариалалтын технологи, ХАБЭА-н анхан шатны мэдлэг олгох” тэнхимийн сургалтанд 150 иргэн, “Хүлэмжийн нарийн ногоо арчлах, хамгаалах, даршлах практик сургалтад 45 иргэнийг тус тус хамруулж ажиллалаа.

 

2017 онд хөтөлбөрт хамрагдсан иргэдийн 28 бүлэг тус бүрт нэг га талбайг хуваарилж, 28 га талбайд төмс, 26 хүлэмжинд нарийн ногоо тус тус тариалсан. Арга хэмжээнд хамрагдсан иргэд өнөөдрийн байдлаар 26 хүлэмжээс 20,8кг огурци, 1560 кг помидорь, 1560 кг чинжүү буюу мөнгөн дүнгээр 60 гаруй сая төгрөгийн нарийн ногоо хураан авч, өрхийн хэрэгцээндээ болон амьжиргаагаа дээшлүүлсэн үр дүнтэй байна. Мөн ирэх Есдүгээр сард 250 тонн төмс хурааж авах төлөвлөгөөтэй ажиллаж байгаа юм.

 

Иргэдийн хувьд хөтөлбөрт хамрагдснаар өөрөө өөртөө ажлын байр бий болгож, хүнсний ногоо тариалах арга зүйд суралцан, өрхийн орлогоо нэмэгдүүлэх ач холбогдолтой байгааг сайшааж байлаа. Тэдэнд олгогдсон талбайдаа ногоо тариалж, өрхийн хэрэгцээгээ хангахаас гадна борлуулж орлого олоход нь мөн Нийслэлийн хөдөлмөр эрхлэлтийн газар дэмжлэг үзүүлдэг.

Сурталчилгаа
Сурталчилгаа
Авлигын эсрэг үйл ажиллагаа7 сар өмнө

Авлигын эсрэг хамтдаа.

Авлигын эсрэг үйл ажиллагаа7 сар өмнө

Авлигын эсрэг хамтдаа.

Цаг үеийн мэдээ11 сар өмнө

БИЧИЛ БИЗНЕС ЭРХЛЭГЧДИЙГ ДЭМЖИЖ ЖИЖИГ ЗЭЭЛ ОЛГОЖ ЭХЭЛЛЭЭ

Зөвлөгөө11 сар өмнө

“ӨРХ ГЭР, АЖЛЫН БАЙР, ОЛОН НИЙТИЙН ГАЗАРТ ЖЕНДЭРТ СУУРИЛСАН ХҮЧИРХИЙЛЛИЙГ ЯГ ОДОО ЦЭГЛЭЕ”

Зөвлөгөө11 сар өмнө

Д.Мөнхөө: Гэр бүлийн гишүүд нэг нэгэндээ аз жаргал бэлэглэж, аав ээжийн аз жаргалтай харилцаанд дараагийн Аз жаргалтай монгол хүн болж өсөх орчинг бүрдүүлж байх нь өнөөгийн Монгол хүн бүрийн ЭРХЭМ ҮҮРЭГ юм.

Видео1 жил өмнө

Сайн дурын нийгмийн даатгалын үйлчилгээг гэрээсээ авах боломжтой болсныг ДААТГУУЛАГЧ та мэдээгүй юм биш биз?

Видео1 жил өмнө

НИЙСЛЭЛИЙН ХӨДӨЛМӨР ЭРХЛЭЛТИЙН ГАЗАР “UB JOB” АППЛИКЕЙШН

Видео1 жил өмнө

Хөдөлмөрт бэлтгэх, хөдөлмөр эрхлэлтийн ур чадвар олгох хөтөлбөр

Видео2 жил өмнө

Ослыг тэглэх алсын хараа

Видео2 жил өмнө

Угаарын хийнээс сэргийлцгээе